Бу сыл балаҕан ыйын 26 күнүгэр, биһиги уһуйааммыт "Чуораанчык"- бэлэмнэнии бѳлѳх оҕолорун, "Күһүҥҥү" былаан чэрчитинэн уонна араас интэриэһинэй хайысханан улэлии-хамныы, айа-тута сылдьар биллэр-кѳстѳр дьону кытта алтыһыы сиэринэн, сахалыы тыыннаах,бэйэлэрэ кѳрүүлэринэн, тус санааларынан,ба5аларынан, кыһыл илиилэринэн туттубут, билигин бочуоттаах сынньалаҥҥа олорор, уруккута үрдүк таһымнаах уһуйаан иитээччитигэр - Наталья Андреевна Слепцова5а, Саха бала5аннарыгар, о5олору ѳбүгэлэрбит үгэстэригэр уһуйа, уерэтэ, сахалыы тыыны эттэригэр-хааннарыгар иҥэрэр сыаллаах-соруктаах ыалдьыттаан кэлбиппит.

Ол курдук керсуһуубут бастаан тиэргэни кытта билсиһииттэн, алаадьылаах кымыһынан айах тутан керсууттэн са5аламмыта. Ол кэннэ Сахабыт балага5аныгар сахалыы таҥас, симэх кэтэн киирэн, бала5аммыт иччилэрин кытта билсиһэн, умайа турар Кемулуек оһохпут Аал уотун иччитин саламааттаах алаадьынан айах тутан билистибит. Онтон салгыы бала5ан тутулун, ис хоһоонун,аналын туһунан Наталья Андреевна Хомус до5уһуоллаах билиһиннэрбитэ. Бу кэмҥэ о5олор, саламааттаах сып-сылаас алаадьынан кундулэнэн, оголорго бэрт интэриэһинэй уйул5а үѳскээбитэ. Салгыы хос хос эһээлэриттэн, эбээлэриттэн бэриллэн кэлбит туостан оҥоьуллубут иһиттэрин-хомуостарын, малларын-салларын кѳрдѳрѳн сиһилии кэпсээбитэ.

Онтон дьэ айыл5алыын алтыһыннаран, эрдэттэн о5олор бэйэлэрэ кырыйбыт хатын мас тутулларыгар тыыннаах Хатын саьарбыт сэбирдэхтэрин сыһыартаан, ватман кумаа5ыга тегуруччу алаас омоонноон сыһыарталаабыттара,онтон хатыҥ маһы о5олор эппит тылларынан тута хоһуйан, Хатын мас кэрэтин туһунан сип-сибиэһэй о5олор хомуур хоһоонноро айыллан тахсыбыта, онтон салгыы туостан оноьуллар ыаҕайалары, кытыйалары, томторуктары уһуйааннарыгар кэлэн онорон, хаһыаттарын ситэрэн-хоторон биэрбиттэрэ.

Бу керсуһууттэн оҕолор сахалыы тыынна иитиллэн, "саха балаҕана, томторук, ыа5айа, кытыйа, күѳрчэх, ытык, маллаах иьит, хамыйах, кемулуек оһох, сандалы остуол, кѳхѳ, наара орон, балаҕан, талах олоппос, мас ынах, олбох"- диэн сахалыы тыллары, маллары билэн-кѳрѳн кэлбиттэрэ. Ону тэҥэ былыр хос-хос-хос эбээлэр, эһээлэр хайдах олорбуттарын, сайылыктааһын диэн тугун-ханныгын сэргээн истибиттэрэ, билбиттэрэ.

Онон бу курдук ыалдьыттааһыны, сахалыы тыыҥҥа иитиини тиһигин быспакка сал5ыахпыт диэн эрэллээхпит. Бэйэбит сахабыт омугун сиэрин-туомун, тылын сумэһинин оҕо уйулҕатын уһуктуутун кэрдиис кэмнэрин мүччү туппакка, олох кыра сааһыттан иҥэрдэххэ эрэ омук быһыытынан салгыы сайдыахпыт, сыаналаныахпыт диэн ѳйдѳбуллээхпит.